https://westgold.com/
Reseptlər
Çətinlik dərəcəsi:
Çətin
Hazırlanma müddəti:
2 saat
Bişmə müddəti:
60 dəqiqə
Porsiya:
8-10
İnqrediyentlər:
Zəncəfilli biskvit:
40 qr "Westgold" kərə yağı, əridilmiş və soyudulmuş
4 ədəd yumurta
125 qr şəkər tozu
100 qr un
25 qr qarğıdalı unu
½ çay qaşığı qabartma tozu
2 xörək qaşığı zəncəfil tozu
bir çimdik duz
Vanilli krem:
1 ¼ stəkan qaymaq
300 qr maskarpone
3 xörək qaşığı şəkər kirşanı
2 çay qaşığı vanil pastası
Bişmiş krem:
1 litr süd
300 ml qaymaq
150 qr şəkər tozu
80 qr bişmiş krem konsentratı
4 ədəd yumurta və 2 yumurta sarısı
3 çay qaşığı vanil pastası
(Ya da 1 kq hazır bişmiş krem alıb istifadə edə bilərsiniz)
Giləmeyvə kompotu:
500 qr qarışıq giləmeyvə, təzə və ya dondurulmuş
1/3 stəkan su
½ stəkan şəkər tozu
½ limonun şirəsi
Zəncəfilli peçenyelər:
115 qr "Westgold" kərə yağı
230 qr qəhvəyi şəkər tozu
2 xörək qaşığı qızılı sirop
1 ədəd yumurta
2 stəkan un
1/2 çay qaşığı soda
2 çay qaşığı zəncəfil
Süfrəyə vermək üçün:
3 səbət təzə giləmeyvə
½ - 1 stəkan zəncəfil şərabı
Hazırlanma üsulu:
Biskvit: Sobanı əvvəlcədən 180°C-dək qızdırın. Elektrik mikserdən istifadə edərək yumurtaları, şəkər tozu və duzu qatılaşana və qabarana qədər çalın. Quru inqrediyentləri ələyin içinə qoyun və un və s.-ni yavaşca tökərək 4 dəfəyə yavaş-yavaş ələyin. Soyudulmuş kərə yağın əlavə edin və qarışdırın. Biskvit qarışığını bişirmə kağızı sərilmiş, yağlanmış 20-22 sm ölçülü tort üçün formaya tökün (tort üçün formanın ölçüsü trayfl üçün nəzərdə tutulan qabın ölçüsündən asılıdır, bizimki 20 sm idi). Yavaşca toxunduqda süngər kimi batıb yerinə qayıdana qədər 20 dəqiqə bişirin. Soyuması üçün kənara qoyun. Hazır olduqda, trayflı yığmaq üçün 3 qat olaraq dilimləyin.
Zəncəfilli peçenyelər: Sobanı əvvəlcədən 150°C-yə qədər qızdırın. Elektrik mikserdən istifadə edərək, qaymaqlı kərə yağı, şəkər tozu və qızılı siropu qarışdırın. Sonra yumurtanı əlavə edib, çalmağa davam edin. Quru inqrediyentləri əlavə edin və yumşaq xəmir alınana qədər mikserlə çalın. Polietilen paketə büküb 20 dəqiqə soyuducuda saxlayın. Xəmiri azca un səpilmiş səth üzərində açın və istədiyiniz formalarda kəsin. Bişirmə kağızının üzərinə qoyun və üstü qızarana və xırçıldayana qədər 15-20 dəqiqə bişirin. Soyuması üçün kənara qoyun.
Bişmiş krem: dibi qalın olan bir qazana süd və qaymağı tökün və istilənənə qədər aşağı temperaturda azca qızdırın, lakin qaynatmayın. Yumurta, yumurta sarısı, şəkər tozu və vanil pastasını həmcins kütlə alınana qədər birlikdə çalın, bişmiş krem tozu əlavə edin. Yumurta qarışığına bir az isti süd tökün (sadəcə açılması üçün), sonra bütün yumurta qarışığını südə geri tökün və qatılaşana qədər fasiləsiz olaraq qarışdırın. Ocağın üstündən götürün, üstünün cadarlamasının qarşısını almaq üçün üzərinə polietilen paket örtün. Soyuduqdan sonra soyuducuya qoyun. Trayflı yığmaq üçün hazır olduqda, soyudulmuş bişmiş kremi elektrik mikserə tökün və həmcins və krem konsistensiyalı kütlə alınana qədər mikserlə qarışdırın.
Giləmeyvə kompotu: şəkər tozu, limon şirəsi və suyu bir qazanda qızdırın və şəkər tozu həll olunana qədər gözləyin. Giləmeyvələri əlavə edin və bir neçə dəqiqə bişirin (isti olana qədər, lakin dağılmasın). Soyuması üçün kənara qoyun.
Vanilli krem: elektrik mikserindən istifadə edərək bütün inqrediyentləri qatı və krem konsistensiyalı olana qədər birlikdə çalın. İstifadə edənədək soyuducuda saxlayın.
Trayflı yığmaq üçün: altdan biskviti qoymaqla başlayın, onun üzərinə giləmeyvə kompotunun 1/3 hissəsini qaşıqla tökün və zövqünüzə görə zəncəfil şərabı çiləyin. Üzərinə bişmiş kremin 1/3 hissəsini tökün, qabınızın kənarları boyunca təzə giləmeyvələri və zəncəfilli kökələri düzün. Biskvit, giləmeyvələr və bişmiş kremin hamısını istifadə edənə qədər bu addımları təkrarlayın. Üzərinə vanilli krem tökün, təzə giləmeyvələr səpin, zəncəfilli kökələr düzün və süfrəyə verin.
Qeyd: vanilli kremdən başqa bütün inqrediyentlər bir gün əvvəl hazırlana bilər.
Əvvəlki resept 
