Karamelli baunti şokolad batonu

Şokoladlı qlazur:

125 qr yumşaldılmış duzsuz kərə yağı

125 qr qəhvəyi qamış şəkəri

175 qr un

45qr Holland üsulu kakao tozu

1 çay qaşığı qabartma tozu

1 çay qaşığı vanil

Kokos qatı:

1 banka qatılaşdırılmış süd

1 ½ stəkan kokos tozu

Karamel qatı:

1 ½ banka bişmiş qatılaşdırılmış süd

75 qr əridilmiş kərə yağı

1 çay qaşığı vanil ekstraktı

Şokoladlı toppinq:

125 qr tünd şokolad (70%)

50 qr kərə yağı

Sobanı 170°C-dək qızdırın. 20sm x 20sm ölçülü bişirmə tavasının dibinə bişirmə kağızı sərin. Kərə yağı, vanil və qamış şəkərini krem halına gələnədək çalın.

Quru inqrediyentləri də tam qarışana qədər qarışdırın. Bişirmə tavasına töküb yüngülcə üstündən basın. 15 dəqiqə bişirin.

Kokos qatını hazırlamaq üçün, kokosu və qatılaşdırılmış südü qarışdırın, dondurulmuş şokoladlı qlazurun üstünə qoyub yayın və bərkiyənə qədər daha 15-20 dəqiqə bişirin.

Sobadan çıxarın. Karamel qatı üçün isə bütün inqrediyentləri aşağı temperaturda qızdırın və həmcins və ilıq kütlə alınana qədər çalın.

Kokos qatının üstünə qoyub yayın və bərkiməsi üçün soyuducuya qoyun. Şokoladlı toppinqi hazırlamaq üçün isə doğranmış şokoladı və kərə yağını əriyənədək bir qabda qızdırın və həmcins kütlə alınana qədər qarışdırın.

Karamel qatının üstünə töküb yayın və süfrəyə verilmək üçün hazır olana qədər soyuducuda saxlayın. Dilimləmək üçün isti suya salınmış iti bıçaqdan istifadə edin.